Official Journal L 253 , 15/09/1998 P. 0020 - 0023
It-23 Direttiva tal-Kummissjoni 98/62/KE tat-3 ta' Settembru 1998 li tadatta għall-progress tekniku l-Annessi II, III, VI u VII tad-Direttiva tal-Kunsill 76/768/KEE dwar l-approssimazzjoni tal-liġijiet ta' l-Istati Membri li għandhom x'jaqsmu mal-prodotti kosmetiċi (Test b'relevanza għaż-ŻEE) Il-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi il-Komunità Ewropea, Wara li kkunsidrat id-Direttiva tal-Kunsill 76/768/KEE tas-27 ta' Lulju 1976 dwar l-approssimazzjoni tal-liġijiet ta' l-Istati Membri li għandhom x'jaqsmu mal-prodotti kosmetiċi [1], kif l-aħħar emendata bid-Direttiva 98/16/KE [2], u b'mod partikolari l-Artikolu 8(2) tagħha, Wara li kkonsultat il-Kumitat Xjentifiku dwar il-Kosmetoloġija, Billi, fin-nuqqas ta' informazzjoni xjentifika ġdida, b'mod partikolari f'dak li għandu x'jaqsam mat-tossiċità fit-tul, il-Kumitat Xjentifiku dwar il-Kosmetoloġija jirrakkomanda li l-użu tal-moskene u l-musk tibetene għandu jiġi pprojbit fi prodotti kosmetiċi minħabba li jista' joħloq riskju għas-saħħa tal-konsumaturi; Billi valutazzjoni tossikoloġika ulterjuri fuq l-istrontium chloride, ibbażata fuq data ġdida mogħtija mill-industrija, turi li l-użu ta' din is-sustanza jista' jiġi estiż, mingħajr kwalunkwe riskju għas-saħħa, għal shampoos u prodotti ta' kura tal-wiċċ sakemm ma tinqabiżx konċentrazzjoni massima; Billi, fuq il-bażi tad-data xjentifika l-aktar reċenti, jista' jiġi permess l-użu tal-benzalkonium chloride, il-bromide u s-saccharinate bħala preservattivi fi prodotti kosmetiċi soġġetti għall-ħtiġiet tad-Direttiva; Billi, fuq il-bażi ta' l-aktar riċerka u data xjentifika reċenti, 3-iodo-2-propynyl butylcarbamate (iodopropynyl butylcarbamate) jista' jintuża proviżorjament bħala preservattiv fi prodotti kosmetiċi soġġett għal ċerti kundizzjonijiet dwar il-konċentrazzjonijiet u l-użu; Billi, fuq il-bażi tad-data xjentifika l-aktar reċenti, il-phenol 2-(2H-benzotriazol-2-yl)-4-methyl-6-(2-methyl-3-(1,3,3,3-tetramethyl-1-(trimethylsilyl)oxy)-disiloxanyl)propyl) jista' jintuża bħala filtru ta' l-UV fi prodotti kosmetiċi soġġett għall-ħtiġiet tad-Direttiva; Billi, fuq il-bażi tad-data xjentifika l-aktar reċenti, il-benzoic acid,4,4-((6-(((1,1-dimethylethyl)amino)carbonyl)phenyl)amino) 1,3,5-triazine-2,4-diyl)diamino)bis-,bis(2-ethylhexyl)ester jista' jntuża bħala filtru ta' l-UV fi prodotti kosmetiċi; Billi, fuq il-bażi tar-riċerka u tad-data xjentifika l-aktar reċenti, ethoxylated ethyl-4-aminobenzoate, isopentyl-4-methoxycinnamate, 2,4,6-trianilino-(p-carbo-2'-ethylhexyl-1'oxy)-1,3,5-triazine u 2-Ethylhexyl salicylate jistgħu jintużaw bħala filtri ta' l-UV fi prodotti kosmetiċi soġġetti għal-ħtiġiet tad-Direttiva; Billi, fuq il-bażi tar-riċerka xjentifika u d-data l-aktar reċenti, 3-(4'-methylbenzylidene)-d-1camphor u 3-benzylidene camphor jistgħu jintużaw bħala filtri ta' l-UV fi prodotti kosmetiċi; Billi l-miżuri stabbiliti f'din id-Direttiva huma konformi ma' l-opinjoni tal-Kumitat dwar l-Adattament għal Progress Tekniku tad-Direttivi dwar it-Tneħħija ta' l-Ostakoli Tekniċi għall-Kummerċ fis-Settur tal- Prodotti Kosmetiċi, ADOTTAT DIN ID-DIRETTIVA: Artikolu 1 Direttiva 76/768/KEE qiegħda tiġi hawnhekk emendata kif jidher fl-Anness: Artikolu 2 1. L-Istati Membri għandhom jieħdu l-miżuri meħtieġa biex jiżguraw li, mill-1 ta' Lulju 1999, għas-sustanzi elenkati fl-Anness, la l-fabbrikanti u lanqas l-importaturi stabbiliti fil-Komunità m'għandhom jqiegħdu fis-suq prodotti li ma jkunux jikkonformaw mal-ħtiġiet ta' din id-Direttiva. 2. L-Istati Membri għandhom jieħdu l-miżuri meħtieġa sabiex jiżguraw li l-prodotti msemmija fil-paragrafu 1 li jkun fihom sustanzi elenkati fl-Anness ma jinbiegħux jew b'xi mod ieħor jiġu pprovduti lill-konsumaturi finali wara t-30 ta' Ġunju 2000. Artikolu 3 1. L-Istati Membri għandhom iġibu fis-seħħ il-liġijiet, ir-regolamenti u d-disposizzjonijiet amministrattivi meħtieġa sabiex jikkonformaw ma' din id-Direttiva mhux aktar tard mit-30 ta' Ġunju 1999. Dawn għandhom jinfurmaw b'dan lill-Kummissjoni minnufih. Meta l-Istati Membri jadottaw dawn id-disposizzjonijiet, dawn għandu jkun fihom referenza għal din id-Direttiva jew għandhom ikunu akkompanjati b' din ir-referenza fil-waqt tal-pubblikazzjoni uffiċjali tagħhom. Il-proċedura għal din ir- referenza għandha tiġi adottata mill-Istati Membri. 2. L-Istati Membri għandhom jikkomunikaw lill-Kummissjoni d-disposizzjonijiet tal-liġi nazzjonali li huma jadottaw fil-qasam kopert b'din id-Direttiva. Artikolu 4 Din id-Direttiva għandha tidħol fis-seħħ fit-tielet ġurnata ta' wara l-pubblikazzjoni tagħha fil-Ġurnal Uffiċjali tal-Komunitajiet Ewropej. Artikolu 5 Din id-Direttiva qed tiġi indirizzata lill-Istati Membri. Magħmula fi Brussel, fit-3 ta' Settembru 1998. Għall-Kummissjoni Martin Bangemann Membru tal-Kummissjoni [1] ĠU L 262, tas-27.9.1976, p. 169. [2] ĠU L 77, ta' l-14.3.1998, p. 44. -------------------------------------------------- ANNESS L-Annessi għad-Direttiva 76/768/KEE qed jiġu emendati kif ġej: 1. Fl-Anness II: In-numri tar-referenza li ġejjin qed jiġu miżjuda: "421 . 1,1,3,3,5,-Pentamethyl-4,6-dinitroindane (moskene) 422. 5-tert-Butyl-1,2,3-trimethyl-4,6-dinitrobenzene (musk tibetene)". 2. Fl-Anness III: In-numru tar-referenza 57 qed jiġi emendat kif ġej: "57 | Strontium chloride hexahydrate | (a)Toothpaste | 3,5 % ikkalkulat bħala strontium. Meta mħallat ma komposti oħra permessi ta' l-istrontium il-kontenut totali ta' l- istrontium m'għandux jaqbeż it-3,5 % | | Fih l-istrontium chloride. L-użu tiegħu ta' spiss mit-tfal m'huwiex rakkomandabbli | | (b)Shampoo u prodotti tal-kura tal-wiċċ | 2,1 % ikkalkulat bħala strontiumMeta mħallat ma komposti oħra permessi ta' l-istrontium il-kontenut totali ta' l-istrontium m'għandux jaqbeż it-2,1 %" | | | 3. F'L-Anness VI (a) L-ewwel parti In-numru tar-referenza li ġej qed jiġi miżjud: "a | b | ċ | d | e | 54 | Benzalkonium chloride,bromide u saccharinate (+) | 0,1 % maħdum bħala benzalkonium chloride | | Evita kuntatt ma' l-għajnejn" | (b) It-tieni parti In-numru tar-referenza 16 qed jitħassar. "tat- 30.6.1998" qed tinbidel bi "tat- 30.6.1999" għan-numru tar-referenza 21 u 29. In-numru tar-referenza 29 qed jiġi mmodifikat ukoll: "a | B | ċ | d | e | 29 | 3-lodo-2-propynyl butylcarbamate (iodopropynyl butylcarbamate) | 0,05 % | Mhux għal prodotti ta' l-iġjene orali u tax-xofftejn" | | 4. Fl-Anness VII: (a) L-ewwel parti In-numri tar-referenza li ġejjin qed jiġu miżjuda; "a | b | ċ | d | e | 13 | Ethoxylated Ethyl-4-Aminobenxoate (PEG-25 PABA) | 10 % | | | 14 | Isopentyl-4-methoxycinnamate(Isoamyl p-Methoxycinnamate) | 10 % | | | 15 | 2,4,6-Trianilino-(p-Carbo-2'-Ethylhexyl-1'Oxy)-1,3,5-Trianzine (Octyl Traizone) | 5 % | | | 16 | Phenol,2-(2H-Benzotriazol-2-yl)-4-Methyl-6-(2-Methyl-3(1,3,3,3,-Tetramethyl-l-(Trimethylsilyl)Oxy)-Disiloxany)Propyl) (Dromerizole Trisiloxane | 15 % | | | 17 | Benzoic acid, 4,4-((6-(((1,1-dimethylethyl)amino)carbonyl)phenyl)amino)1,3,5-triazine-2,4-diyl)diimino)bis-bis(2-ethylhexyl)ester) | 10 % | | | 18 | 3-(4'-Methylbenzylidene)-d-l camphor (4-Methylbenzylidene Camphor) | 4 % | | | 19 | 3-Benzylidene camphor (3-Benzylidene Camphor) | 2 % | | | 20 | 2-Ethylhexyl salicylate (Octyl-salicylate) | 5 %" | | | (b) It-tieni parti In-numri tar-referenza 2, 6, 12, 25, 26 u 32 qed jitħassru. "tat- 30.6.1998" qed jiġi ssostitwit bi "tat- 30.6.1999" għan-numri tar-referenza 5, 17 u 29. --------------------------------------------------